Баймаҡ районы хужалыктарында яҙғы баҫыу эштәренә старт бирелде. Ғәҙәттәгесә ул аграрийҙар өсөн дөйөм семинар ойоштороуҙан башланды. Йыл һайын яуаплы кампания алдынан район хужалыҡтарының береһендә ауыл эшсәндәрен йыйып алыу, алда торған бурыстарҙы билдәләү һәм техника паркының әҙерлеген тикшереү төбәктә традицияға һалынған сараларҙың береһе. Теманың дауамы алдағы яҙмала
Был юлы семинар Ленин орденлы элекке Йылайыр совхозы биләмәләрендә үтте. Тарҡалған совхоз урынына көслө фермерҙар заманы килде. Әлеге көндә был тарафтарҙа буш торған ерҙәр бөтөнләй юк, ти белгестәр.Совхоз баҫыуҙарында 40- лаған фермер унышлы эшләп йөрөй. Бөгөн улар лизинг, кредит ярҙамы менән дә, кул аҡсаһына ла техника паркын янырта. Күргәҙмәгә куйылған яны техника өлгөләренең икәүһе быйыл үҙҙәрен тәүге тапкыр басыуҙарҙа һынап ҡараясак.
Семинарҙын пленар өлөшө Урал арьяғы агросәнәғәт колледжынын Урғаҙа филиалында дауам итте. Был да элекке Йылайыр ауыл хужалығы техникумының базаһы.Уҙған быуатта бында ла студенттар һаны меңләгән йәштәр менән иҫәпләнһә, хәҙер бер курс тултырыу ҙа ауыр. Ләкин артка карап йәшәргә вакыт юк, бөгөн ауыл хужалығы менән бергә белгестәр әҙерләү өлкәһе лә үҙгәрә, талаптар ҙа яңыра ти укыу йорто етәкселеге.
Баймак районы һуңғы йылдарҙа мул иген унышы алып республиканын ин якшы 5 төбәге исемлегенә инде. Ләкин үҫтерелгән уңышты һатыу проблемаһы йыл дауамында һаҡлана. Шуға ла быйыл отошло культураларға өҫтөнлөк биреү куҙ унында тотола. Мәсәлән етен, майлы үҫемлектәрҙе сәсеп ҡарау, ә нут һәм чечевица, йәғни яҫмык борсак кеүек культураларҙы тәүге тапкыр һынап ҡараясактар.
Аграрийҙар алдында сәсеү компанияһы кеүек мөһим эштәр тора.Баймак районы көндәр йылыныуын һәм һауа торошоноң тоторокланыуын көтөп кала.
