Ниһайәт, көндәр йылына

Республика синоптиктары фаразлауынса, был аҙнала һауа температураһы 13 градусҡа тиклем күтәрелеүе ихтимал. Тәүге өс көндә яуым-төшөм көтөлмәй. Төндә 2 градусҡа тиклем һалҡын күрһәтһә, көндөҙ 7-13 градус йылы булыр тип күҙаллана. Аҙнаның икенсе яртыһында һауа шарттары бер аҙ үҙгәрә.

Башҡортостан гидрометеорология үҙәге бүлеге етәксеһе Гөлназ Заһитова билдәләүенсә, һауа торошо 19 апрелдә үҙгәрә башлаясаҡ. Республикаға циклон килә, шул йәһәттән атмосфера баҫымы түбәнәйәсәк. Урыны менән ямғыр яуыуы көтөлә.

Автор: Азат Ғәлиуллин.