Стәрлетамаҡ ҡалаһында халыҡ-ара

Унда илебеҙҙең төрлө төбәктәренән һәм сит илдәрҙән меңгә яҡын йәш ижадсы ҡатнашты. Һынлы сәнғәт, графика, текстиль, автор ҡурсаҡтары, ҡағыҙ һәм пластика, арт-объекттар. Йыл һайын ҡатнашыусыларҙың географияһы ла киңәйә. Быйыл ғына донъяның 177 төбәгенән эштәр күрһәтелгән. 500-ләп балаға махсус дипломдар һәм иҫтәлекле бүләктәр тапшырылған.

“Конкурсҡа балалар үҙ ҡулдары менән башҡарған биш меңдән ашыу эш тәҡдим ителгән. Был галереяға иң уңышлы тип һаналған 280 ашыу ижади әҫәрҙәр ҡуйылған”.

М. Нестеров исемендәге художество музейының стәрлетамаҡ филиалы картиналар галереяһы мөдире Лилиә Әхмәтова

"Котовасии-2018" халыҡ-ара конкурсында "Бесәй иленең юлбаҫарҙары" коппозицияһы гран-приға лайыҡ булды. Үҙенсәлекле композицияның авторы Михаил Филатов. Владимир Капшук һәм Дмитрий Пучкиндың "Өс моңло бесәй" композицияһы беренсе, Камилла Атанғолова һәм Карина Солтанованың " Мяуцирк" арт-объекты -икенсе, Даръя Волщук һәм Александра Чеботареваның "Галатикаға сәйәхәт" композицияһы өсөнсө урын яулаған. Улар өлгөһөндә ҡаланың билдәле ял итеү урындарында арт-объекттар төҙөләсәк.

"Котовасии" конкурсы өсөнсө йыл рәттән ҡала хакимиәте башлығы призына үткәрелә. Жюри ағзаһы Юрий Григорьев конкурстың темаларын үҙе тәҡдим итә. Конкурс ҡала һәм республика кимәленән халыҡ-ара кимәлгә күтәрелеүендә лә уның өлөшө ҙур.

Стәрлетамаҡ ҡалаһының балалар һынлы сәнғәт мәктәбе уҡытыусыһы, халыҡ-ара конкурс кураторы Марина Чистякова

Автор: Гүзәл Борханова.