Октябрь проспектында тағы ла бер башҡала символы урынлаштырылды. Хәрефтәр ҡалабыҙҙың исемен һынландыра. Ҡала исеме өс телдә-урыҫ, башҡорт һәм инглиз телендә яҙылыуы оло ҡыуаныс тыуҙыра.
Өфө ҡала хакимиәтенән алынған мәғлүмәттәр буйынса, хәрефтәр яһалма газон үләненән яһалған. Уларҙың бейеклеге ике метрҙан ашып китә. Арт-объект «Үҫмерҙәр китапханаһы» туҡталышы янында урынлаштырылды.
Киске ваҡытта был хәрефтәр, уның янындағы ағастар гирлянда уттары ярҙамында балҡып торасаҡ. Был маҡсатта 200 метрға яҡын светодиод таҫма сарыф ителгән.
