Тиҙҙән Баймаҡ районында бейә һөтөн киптереү цехы үҙ эшен башлаясаҡ. Тап ошо районда был маҡсатта уникаль цех төҙөлөшө тамамланды, махсус ҡоролма ла урынлаштырылды.
Билдәләп үтергә кәрәк, киптерелгән бейә һөтө эсемлектең бар шифалы витамындарын һаҡлаясаҡ. Ҡымыҙ етештереүселәр иһә үҙ продукцияһын цехҡа тапшыра аласаҡ.
Проект етәксеһе белдереүенсә, етештереү урынында айырым һауа шарттарын һаҡлау-төп шарттарҙың береһе булып тора.
Әлене ваҡытта Мәскәү дәүләт университеты микробиологтары ҡымыҙ составында булған бактерияларҙы өйрәнеү өҫтөндә эш башлаған. Ғалимдар ҡымыҙҙы халыҡ-ара космик станцияға ебәреүгә мөмкинлек биргән махсус әсеткене өйрәнә.
Иҫегеҙгә төшөрәбеҙ, уҙған йыл Баймаҡ районында киң билдәлелек яулаған «Ҡымыҙ-брейк» форумы үҙғайны. Сараны республиканың Йәш яҡташтар берлеге Ассоцияцияһы ойошторҙо.
