Иглин районы халҡы тирә-яҡ мөхиттең таҙалығы өсөн

Йылдағыса төбәктә йәшәүселәр эш ҡоралдары тотоп, өмәгә сыҡты. Акцияға тәүгеләрҙән булып бюджет учреждениелары һәм ойошмалары хеҙмәткәрҙәре ҡушылды.

Ике меңдән ашыу кеше төп майҙансыҡты, Ленин урамын, тротуарҙарҙы сүп-сарҙан таҙартты. Өмәгә 43 берәмек техника йәлеп ителгән, 80 тонна сүп-сар өйөмө сығарылған.

“Ҡыштан ҡалған сүптәрҙе йыйыу, барлыҡ территорияны тәртипкә килтереү маҡсаты менән сыҡтыҡ. Таҙалыҡ үҙебеҙгә кәрәк”.

Иглин районы башҡорттары ҡоролтайы башҡарма комитеты рәйесе Рәүеф Кәлимуллин

Автор: Фәниә Юланова.