Мәккәгә һыбай юлланған Башҡортостандың ике фермеры, Волгоград өлкәһенә барып еткән

Хәтерегеҙгә төшөрәбеҙ, Иглин районынан Хәсән Иҙиәтуллин менән Кушнаренко районынан Марсель Әхиәретдинов юлға 30 март сыҡҡайны, улар маршрутты 22 августҡа тиклем үтергә иҫәп тота.

Билдәле булыуынса, яҡташтарыбыҙ көнөнә 30-40 саҡрым ара уҙа, аттар арымаһын өсөн күберәк йәйәү атлайҙар. Мәккәгә һыбай барыу хаҡында уҙамандар күптән хыялланған.

Сәғүд Ғәрәбстанына барып етеү өсөн һыбайлыларға тағы ла яҡынса 3 мең саҡрым юл үтергә кәрәк.

Автор: Фәниә Юланова.