Бөгөн иртәнсәк балалар баҡсаһы бинаһында сүп-сар янып китеүе хаҡында мәғлүмәт еткерелә. Ваҡиға Ағиҙел ҡалаһында теркәлә.
Республиканың Ғәҙәттән тыш хәлдәр министрлығы билдәләүенсә, ут сүп-сар биҙрәһендә сыға. Балалар баҡсаһы хеҙмәткәрҙәре шунда уҡ кескәйҙәрҙе эвакуацияларҙар.
Янғын һүндереүселәр килеп еткәнсе, хеҙмәткәрҙәр ҡул аҫты әйберҙәре менән үҙ аллы утты һүндереүгә өлгәшә. Бәхеткә, зыян күреүселәр юҡ.
