Башҡалала 105 мең кеше экологик өмөлә ҡатнашты

21 апрель көнө ойошторолған экологик өмәлә уҡыусылар, студенттар, ойошма-предприятие хеҙмәткәрҙәре ҙур әүҙемлек күрһәтте. Шулай уҡ был сарала күп ҡатлы йортта һәм шәхси секторҙа йәшәүселәр ҙә ҡатнашты.

Өфө ҡала хакимиәтенән алынған мәғлүмәттәр буйынса, экологик өмә сиктәрендә иремәй ҡалған ҡарҙы ташлайҙар, биләмәләрҙе сүп-сарҙан таҙарталар. Коммуналь хеҙмәттәр архитектура формаларын йыуалар, шулай уҡ йыйылған сүп-сарҙы ҡала ситенә сығаралар. 5,7 меңгә яҡын кеше урам-юл селтәрен таҙартыуҙа ҡатнаша.

Йыйылған сүп-сарҙы 1045 берәмек техника ярҙамында ташыйҙар. Шулай уҡ экологик өмә барышында 412 кв.метр майҙанда юл төҙөкләндерелә.