Өфөнөң балалар йортонда тәрбиәләнеүсе етем-балаларҙы федераль каналдың «Когда все дома» тапшырыуының айырым рубрикаһында күрһәтәсәктәр. Был программаның маҡсаты-балаларға буласаҡ ата-әсәләрен табырға ярҙам итеү.
Өфө ҡала хакимиәтенән хәбәр итеүҙәренсә, башҡалала 23 апрелдән 28 апрелгә тиклем тапшырыу төшөрәсәктәр. Шулай уҡ, балаларҙы тәрбиәгә алырға теләүселәрҙең Бөтә Рәсәй мәғлүмәт-эҙләү системаһында кескәйҙәрҙең айырым «паспорты» барлыҡҡа киләсәк.
Билдәле булыуынса, тапшырыуҙы төшөрөү барышында рубриканың алып барыусыһы Елена Кизякова ла ҡатнашасаҡ.
