Күмертау ҡалаһынан 32 һәм 30 йәшлек ирҙәр Енәйәт Кодексының бер нисә статьяһы буйынса хөкөм ителде.
Республика Тәфтиш комитетынан хәбәр итеүҙәренсә, уҙған йылдың 5 мартында Күмертау ҡалаһында йәшәүсе өс ир иҫерек килеш кафеға инеп, ике кешегә һөжүм итәләр. Аяҡ-ҡулдары, төрлө предметтар менән егеттәрҙе туҡмайҙар. Һөҙөмтәлә, 27 йәшлек егет алынған йәрәхәттәрҙән һәләк була. Икенсе зыян күреүсе еңелсә тән йәрәхәттәре ала. Дауахананан сыҡҡас, егет енәйәтселәрҙе атай.
Хөкөм залында 32 йәшлек ғәйепләнеүсе -9 йылға, икенсеһе - 8,5 йылға иркенән мәхрүм ителде.
