Йыл һайын мәктәптәрҙә яҙғы һәм көҙгө миҙгелдәрҙә «Ҡағыҙ бумы» акцияһы ойошторола. Макулатураны йыйыу буйынса сараны «Таҙа ҡала» компанияһы ойоштора.
Өфө ҡала хакимиәтенән хәбәр итеүҙәренсә, был сара тәбиғәт ресурстарын икенсел эшкәртеүгә иғтибарҙы арттырыу маҡсатында уҙғарыла. Ағымдағы йылда 46-сы лицей уҡыусылары һәм коллективы 27 450 кг макулатура йыйыуға өлгәшә. Ата-әсәләр, балалар һәм уҡытыусылар ташландыҡ ҡағыҙҙар, гәзит- журналдар алып килә.
Кәрәкмәгән ҡағыҙҙар, сүп-сар булып, тәбиғәтте бысрата. Тап шуның өсөн уларҙы икенсел эшкәртеүгә оҙатыр кәрәк.
Фото: Интернет
