Иртәгә республикала ҡарлы ямғыр яуасаҡ

Шаршамбы, 25 апрель, республика биләмәһендә ҡарлы ямғыр яуыуы көтөлә.

Башгидрометүҙәк хәбәр итеүенсә, иртәгә республикала болотло һауа торошо көтөлә. Көндөҙ ҡарлы ямғыр яуыуы ихтимал. Һауа температураһы көндөҙ туғыҙ градус йылы, төндә биш градусҡаса һыуытасаҡ. Юлдарҙа- боҙлауыҡ.

Иҫегеҙгә төшөрәбеҙ, республиканың көньяҡ райондарында ҡар яуып үтте. Социаль селтәр ҡулланыусылары Күмертау, Күгәрсен, Стәрлетамаҡ, Мәләүез райондарының ҡарлы урамдарын фотоға төшөрөп, интернет селтәренә һалғандар.