Мифтахетдин Аҡмулла исемендәге Башҡорт дәүләт педагогия университетында "Йәштәр араһында экстремизм, уға ҡаршылыҡ" тип аталған Бөтә Рәсәй ғилми-ғәмәли конференцияһы бара. Сарала дәүләт хеҙмәте, йәмәғәт ойошмалары, дини конфессиялар вәкилдәре ҡатнаша.
Унда экстремизм һәм террорҙы иҫкәртеүгә арналған төрлө секциялар, түңәрәк өҫтәлдәр эшләй. Быйылғы конференция өс маҡсатлы төркөмгә йүнәлтелде. Тәүгеһе - мәктәп хеҙмәткәрҙәре, айырыуса, йәмғиәтте өйрәнеү фәне уҡытыусылары. Программала улар өсөн оҫталыҡ дәрестәре уҙғарыу ҡаралған. Икенсе төркөм - дәүләт ойошмаларында эшләүселәргә арналды. Өсөнсө аудитория - йәштәр менән хеҙмәттәшлек иткән белгестәр. Конференцияла шулай уҡ яман юлдарҙан аралауға төрлө яңы алымдар ҡулланыу мөһимлеге тураһында ла һүҙ бара.
