Башҡортостанда һауа торошо боҙола

Республикала йәнә һауа торошо боҙола. Ғәҙәттән тыш хәл министрлығы халыҡҡа иҫкәртеү яһай. Елдең тиҙлеге секундына 23 метрға етәсәк.

Шәмбе, 28 апрель, төбәктә йәшен йәшнәүе, урыны менән елдең тиҙлеге секундына 18-23 метрға етәсәк. Юлдарға төндә томан төшөүө ихтимал.

«Елдең көслө булыуы сәбәпле, урамда электр сымдары бәйләнеше, ағастар янында йөрөргә тырышмағыҙ. Ауыр хәлгә ҡалһағыҙ, 101, 104 номерҙары хеҙмәттәренә шылтыратығыҙ», - тип мөрәжәғәт итә Ғәҙәттән тыш хәлдәр министрлығы.