Башҡалала торлаҡ-коммуналь хужалыҡтары эшселәре өсөн ятаҡ асылды. 526 кв.метр майҙандағы торлаҡ Бикбай урамындағы егерме ҡатлы йорттоң беренсе ҡатында урынлашҡан.
Яҡын арала ятаҡханала алты ғаилә, 12 оло кеше һәм 13 бала йәшәйәсәк. Шулай уҡ, ғаиләһе булмаған хужалыҡ эшсәндәре өсөн дә бүлмәләр ҡаралған. Ятаҡханала барлығы 14 бүлмә һәм 49 урын бүленгән.
Әлеге ваҡытҡа ятаҡта 14 урын буш. Һуңғы йылдарҙа торлаҡ-коммуналь хужалығы хеҙмәткәрҙәре Өфөнән йөҙҙән ашыу фатир алыуға өлгәште. Ятаҡханалар Киров, Ленин һәм Калинин райондарында асылған.
