Өфө Халыҡ-ара аэропортынан Төркиәгә яңы рейстар асылды

Бөгөн төндә аэропортҡа төрөк авиакомпанияһынан тәүге самолет ултырҙы. Һауа карабы ғәҙәттәгесә, һыу фонтаны аҫтында ҡойондоролдо. Төркиәгә пассажирҙарҙы ташыу көнөнә ике тапҡыр ойошторола. Антальяға самолет көн дә төнгө икелә оса.

Яңы рейстар халыҡ-ара бәйләнеште нығытыуҙа һәм пассажирҙар ташыуҙа яңы мөмкинлектәр аса.

“Аҙнаһына 15 рейс ойоштороу күҙаллана. Беҙҙең тағы ла бер пассажир ташыусы төрөк компанияһы барлыҡҡа киләсәк. Был ике компания пассажирҙар ташыуҙы 30 процентҡа арттыра. Ял итеү миҙгеленең иң ҡыҙыу осоронда Анталияға көнөнә 8 рейс хеҙмәтләндереү ҡарала”.

Денис Никитин, Өфө халыҡ-ара аэропорты бүлеге етәксеһе

Автор: Рәмилә Исмәғилева.