Республиканың эҙәрмәндәр отрядтары ҡаты алыштар булып үткән төбәктәрҙә ҡаҙыныу эштәрен дауам итә. Әлеге көнгә яҡташтарыбыҙ тиҫтәнән ашыу һалдаттың һөйәктәрен тапҡан.
Миәкә районынан Хәтер һәм Ғорурлыҡ эҙәрмәндәр отряды Липецк өлкәһенең Тербуны районында кисә генә билдәһеҙ һалдат һөйәктәренә юлыҡҡан.
Патриотик клуб етәксеһе Вилсур Нафиҡов билдәләүенсә, ул данлыҡлы 112-се Башҡорт кавалерия дивизияһынан булыуы ихтимал.
