Ғәҙәттән тыш хәлдәр министрлығының Башҡортостан буйынса баш идаралығынан хәбәр итеүҙәренсә, иртәгә республикала елдең тиҙлеге секундына 22 метрғаса етеүе ихтимал.
Быға бәйле ҡотҡарыусылар ҡарт ағас, реклама банерҙары, нығытылмаған тимер ҡоролмаларға яҡын бармаҫҡа кәңәш итә. Һауа торошона килгәндә, иртәгә республикала көн аяҙлы-болотло буласаҡ. Урыны менән ҡыҫҡа ваҡытлы ямғыр яуыуы, төнгө сәғәттәрҙә төньяҡ-көнсығыш райондарҙа яуым-төшөмдөң көсәйеүе, күк күкрәүе көтөлә. Төндә 10-15, төньяҡ төбәктәрҙә 5 градус тирәһе йылы, көндөҙ һауа температураһы 9-14, көньяҡ райондарҙа 21 градусҡа тиклем күтәрелә.
