Өфөнән Рәсәйҙең көньяҡ төбәктәренә тура рейстар асыласаҡ

Был турала бөгөн Республика Башлығы менән "Внуково" аэропорты етәкселеге араһындағы осрашыу барышында белдерелде. Компания Башҡортостандың баш ҡалаһы менән Дондағы Ростов, Краснодар һәм Симферополь араһында авиабәйләнеште үҫтерергә иҫәп тота.

Рейстар йыл әйләнәһенә эшләйәсәк. Был пассажирҙарға Мәскәү аша осоуҙан арынып, Өфө терминалының клиенттарын арттырыуға булышлыҡ итәсәк.

Рөстәм Хәмитов: беҙ был башланғысты тулыһынса хуплайбыҙ. Республика халҡы бер ниндәй ҡыйынһыҙлыҡтар кискрмәй илебеҙҙең төрлө төбәктәренә барып етә алырға тейеш”.

"Sukhoi superjet 100" самолеттарында тәүге тура рейстар киләһе йыл уҡ оса башлар тип күҙаллана. Пассажир ташыусылар билеттарҙы арзаныраҡ хаҡҡа һатырға вәғәҙәләй.

“Беҙ түбән хаҡлы тарифтар тәҡдим итәбеҙ. Сөнки билеттар өсөниң юғары хаҡтарҙы субсидия программаһы билдәләй, беҙ унан арттыра алмайбыҙ. Бөтә төр пассажирҙар өсөн был рейстар асыҡ”.

Виталий Ванцев, авиакомпания ойоштороусыһы, "Внуково" халыҡ-ара аэропортының директорҙар советы рәйесе