Башҡортостан Хөкүмәтендә ташлама менән ҡулланыусыларҙы дарыуҙар менән тәьмин итеү һорауы ҡаралды. Ташлама менән ҡулланыусы граждандарҙы, шул иҫәптән һирәк осрай торған ауырыу менән сирләүселәрҙе, бушлай дарыуҙар менән тәьмин итеү маҡсатында быйыл 2,65 млрд. һум күләмендә аҡса бүленәсәк. Был хаҡта ултырышта Һаҡлыу һаҡлау министры Әнүәр Бакиров хәбәр итте.
Һаулыҡ һаҡлау министрлығы мәғлүмәттәре буйынса, һирәк осрай торған ауырыуҙар менән сирлеләр һаны йылдан йыл арта бара. Уҙған йылдар менән сағыштырғанда, был сирлеләрҙең һаны 28 процентҡа күтәрелгән. Билдәле булыуынса, ағымдағы йылдың июнь айында дарыуҙар алынасаҡ.
Һуңғы осорҙа республикала сирлеләрҙе бушлай дарыуҙар менән тәьмин итеү мәсьәләһе киҫкен тора. Был тәңгәлдә прокуратура бер нисә тапҡыр Һаулыҡ һаҡлау министрлығы тарафынан ебәрелгән етешһеҙлектәрҙе асыҡланы. Ауыр хәлдәгеләргә һәм һирәк осрай торған ауырыу менән сирлеләргә тейешле препараттар бүленмәгән була.
Фото: Интернет.
