Был эштә уларға Бөйөк Ватан һуғышында ҡатнашҡан яугирҙарҙың балалары, ейәндәре ярҙамға килә. Һалдаттар тураһында байтаҡ мәғлүмәттәр яу яланында ятып ҡалған яугирҙарҙың ҡәберлектәрен табыуға булышлыҡ итә.
Өфөлә Бөйөк Еңеү көнө алдынан эҙәрмәндәр орядтары халыҡ менән осрашып, йәнле әңгәмә ҡорҙо. Зәйтүнә Вәлиеваның да яҡын кешеһе хәбәрһеҙ юғалған. Оло йәштәге ханым ҡәберлекте табыуҙы үҙ бурысы һанай.
Эҙәрмәндәр отрядтары Баш ҡала халҡына Бөйөк Ватан һуғышы йылдарын сағылдырған күргәҙмә лә тәҡдим итте. Бай йөкмәткеле экспозицияла ҡыҙыҡлы экспонаттар, һуғыш йылдарында сыҡҡан гәзиттәр, һалдат хаттары тупланған. Сараға килеүселәр үҙҙәре һалдат шинелдәрен, ҡоралдарын тотоп, иҫтәлеккә фото төштө.
