Һауа температураһы күтәрелеү сәбәпле, республиканың ҡайһы бер райондарында өсөнсө класс янғын хәүефе билдәләнде.
Бер тәүлек эсендә генә урманда алты ут сығыу осрағы теркәлгән. Иң ҙур зыян күргән биләмә - Йылайыр районының Кананикольский участка урмансылығы. Унда 24 гектар майҙанда янғынды һүндереү эштәре башҡарыла.
Шулай уҡ быйыл Әлшәй, Учалы, Стәрлетамаҡ райондары йәшел ҡалҡаны ла өлөшләтә ут эсендә ҡалған. Авиация ярҙамында урман фондында күҙәтеүҙең ойошторолоуы - бәләне ваҡытында асыҡларға ярҙам иткән.
