Юл транспорт ваҡиғаһы иртәнге сәғәт 11-ҙәр тирәһендә СССР-ҙың 50 йыллығы һәм Клавдия Абрамова урамдары киҫелешендә теркәлә.
Шаһиттар һөйләүенсә, машина боролоштан ҡапыл килеп сыҡҡан. Туҡталышта торған ике ҡатын өҫтәренә менеп барған автомобилде абайлап та өлгөрмәй. Машина йәйәүлеләрҙе бәрҙергәндән һуң да хәрәкәтен дауам итә. Яҡында торған кибет кенә тонна ярымлыҡ техниканы туҡтата. Ваҡиға шаһиттары водителде алкоголь йә иһә наркотик тәҫирендә, тип уйлаған.
Һуңынан асыҡланыуынса, руль артындағы ир өйәнәктән яфаланған. Беҙҙең телеканалға биргән интервьюһында иномарка водителе әйтеүенсә, ул рулдә китеп барған ерҙә аңын юғалта, һәм артабан нәмә булғанын хәтерләмәй ҙә.
Зыян күргән ике ҡатынды ла 21-се ҡала клиник дауаханаһына алып килгәндәр. 25 йәшлек ҡыҙҙың хәле ауыр, тип баһалана. Табиптар уның ғүмерен һаҡлап ҡалырға тырыша. Тәфтишселәр иһә, авария сәбәптәрен асыҡлау һәм водителдең версияһын тикшереү өҫтөндә эшләй.
