Рәсәй ислам университеты менән Ҡаҙағстан республикаһы мосолмандары тығыҙ хеҙмәттәшлек алып барасаҡ.
Бөгөн Рәсәй мосолмандары Үҙәк диниә назараты рәйесе Тәлғәт Тажетдин Ҡаҙағстандан килгән ҡунаҡтарҙы ҡабул итте. Яҡтар ислам донъяһындағы хәлдәр, киләсәктә дини йүнәлештә белем биреү өлкәһендә берҙәм эшмәкәрлек тураһында һөйләште. Тәү сиратта кадрҙар әҙерләү мөһим, тип билдәләнде. Сөнки республикала мәсеттәр күп, әммә имамдарға ҡытлыҡ бар, уларҙың күбеһе оло йәштә. Мосолман донъяһындағы ошо һәм башҡа мәсьәләләр ҡаралды. Осрашыу һуңында килешеүгә ҡул ҡуйылды.
Ҡаҙағстан вәкилдәре әйтеүенсә, Башҡортостан менән тығыҙ бәйләнеш революцияға тиклем үк булған. Өфөләге "Ғәлиә" мәҙрәсәһендә уларҙың шәкерттәре дини белем алған.
