Өфөнөң 160-сы лицейында теркәлгән ваҡиға буйынса белгестәр тикшереү үткәрә. Соҡор киңлеген, уның ни сәбәптән барлыҡҡа килеүен асыҡлау маҡсатында эргә-тирәләге дренаждар, һыу үткәреү торбалары тикшерелә.
Ер ишелеүен мәктәп етәкселеге ҡар әрселеү менән белеп ҡала. Әлеге ваҡытта футбол майҙанының соҡор урыны кәртәләп алынған. Мәктәп уҡыусылары физкультура дәресендә тренер күҙәтеүендә генә шөғөлләнә. Мәктәп проектын төҙөүселәр менән дүшәмбе белем усағында осрашыу ҡаралған.
