Ҡала мөхите шарттарында туған телебеҙ, халҡыбыҙҙың рухи-мәҙәни йолаларын һаҡлауға арналған конференциялар республикала 2000 йылдан алып уҙғарылып килә.
2016 йылда ошондай уҡ конференция Туймазы ҡалаһында үткән. Был юлы көн тәртибенә күп милләтле ҡала шарттарында этник үҙенсәлектәрҙе һаҡлау мәсьәләһе сығарылды. Ғилми сара ҡалала йәшәүсе милләттәштәрбеҙ менән генә сикләнмәй, муниципаль райондарҙа, мәктәпкәсә учреждениеларҙа туған телде өйрәнеү мәсьәләләрен дә үҙ эсенә алды.
Ойоштороусылар фекеренсә, ике йылға бер үткәрелгән ғилми-ғәмәли конференцияның туған телде уҡытыу, милли үҙенсәлектәрҙе һаҡлау торошона йоғонтоһо ҙур. Ошоно иҫәпкә алып артабан ғилми форумды бөтә Рәсәй кимәленә сығарырырға ҡарар ителгән. Уға ярашлы, 2020 йылда был конференция Силәбе ҡалаһында үтә.
