Республика халҡына ата-әсәләренә шылтыратырға кәңәш итәләр

Бөгөн, 16 май, төбәктә «Ата-әсәйеңә шылтырат» акцияһы уҙа. Ғаилә, хеҙмәт һәм социаль яҡлау министрлығы, донъя мәшәкәттәренән арынып, яҡындарыңа ваҡыт бүлергә саҡыра. Ведомтсвола ағымдағы аҙнаны ғаилә аҙналығы тип иғлан иттеләр.

Министерствола, шулай уҡ, «Ғаилә изгелеге бумерангы» акцияһының дауам итеүе хаҡында белдерәләр. Сара күп балалы ғаиләләргә кейем-һалым, балалар кәрәк-яраҡтары менән ярҙам күрһәтеү маҡсатында уҙғарыла. Тауарҙар республиканың һәр район-ҡалаһының «Ғаилә» үҙәге филиалдарында ҡабул ителә.

Иҫегеҙгә төшөрәбеҙ, халыҡ-ара ғаилә көнөндә ғаиләле хеҙмәткәрҙәргә эш көнө бер сәғәткә ҡыҫҡарҙы.

Фото: Интернет