Быйыл декабрҙә Өфө "Рәсәй терәге" лидерҙары съезын ҡабул итә

Был турала бөгөн Башҡортостан Башлығы Рөстәм Хәмитовтың "Рәсәй терәге" Бөтә Рәсәй бәләкәй һәм урта эшҡыуарлыҡ ойошмаһы Президенты Александр Калинин менән осрашыуында әйтелде. Осрашыуҙа яҡтар үҙ-ара хеҙмәттәшлек, берлектәге проекттарҙы тормошҡа ашырыу, республикала урта һәм бәләкәй эшҡыуарлыҡҡа ярҙам күрһәтеү мәсьәләләрен тикшерҙе. Рөстәм Хәмитов белдереүенсә, бәләкәй эшҡыуарлыҡ өлкәһе республика иҡтисадының ҙур өлөшөн тәшкил итә һәм һуңғы йылдарҙа тармаҡты үҫтереүгә иғтибар арта.

Үҙ сиратында, Александр Калинин да Башҡортостанда бәләкәй эшҡыуарлыҡ тармағының тейешле кимәлдә үҫешеүен, был өлкәгә алдынғы ҡарашлы кешеләр килеүен билдәләне. Мәскәү ҡунағы Рөстәм Хәмитовҡа республиканың декабрҙә ойошманың съезын ҡабул итергә әҙер булыуына рәхмәт белдерҙе.

Бөгөн беҙ Рөстәм Зәки улы менән эконмик һорауҙар тураһында әңгәмә ҡорҙоҡ, был һорауҙар республика эшҡыуарлығы тураһында ине. Башҡортостан эшҡыаурҙары ауыл хужалығына, аҙыҡ түлеккәмһәм туризмға аҡса һалырға ҡурҡмауҙырн билдәләп үттем. Был бик ауыр йүнәлеш, сөнки был йүнәлештәр оҙаҡ эшләүҙе талап итә һәм уларға ярҙам итеү хаҡында ла һөйләшеп үттек. Рөстәм Зәки улы был йүнәлештә иң мөһиме ҡамасауламаҫҡа, тип әйтте. Ул эшҡыуарлыҡта тәжрибәле кеше булараҡ бик дөрөҫ билдәләне.

Александр Калинин, "Рәсәй терәге" Бөтә Рәсәй бәләкәй һәм урта эшҡыуарлыҡ ойошмаһы президенты

Өфөлә Александр Калинин ойошманың төбәк бүлексәһенең конференцияһында ҡатнашты. Унда алдағы дүрт йылға ойошманың етәксе органдары һайланды. Әлеге ваҡытта Башҡортостанда 140 меңгә яҡын урта һәм бәләкәй эшҡыуарлыҡ субъекты иҫәпләнә. Былтыр ғына уларҙың күләме 3 мең ярымға артҡан. Былтыр тармаҡтың берлектәге продукты 1 триллион һумдан ашыу тәшкил иткән. Урта һәм бәләкәй эшҡыуарлыҡ субъекттары иҫәбе, шулай уҡ тауар әйләнеше буйынса республика Волга буйы федераль округында 3-сө, Рәсәйҙә 11-се урынды биләй.

Әлеге ваҡытта беҙҙең ойошмала 550 эшҡыуар. Был Рәсәй төбәктәре араһында иң юғары күрһәткес. Ойошмабыҙ йәшәрә. Тимәк, эшләйәсәкбеҙ. Республика иҡтисадын яҡшыртасаҡбыҙ.

Тимур Лоҡманов, "Рәсәй терәге" Ойошмаһы төбәк бүлексәһе башҡарма директоры