Салауат ҡалаһында яңы тыуған сабыйҙың кәүҙәһе табылған. Фаразлауҙарынса, бынан бер ай элек сабыйҙың йөрәге тибеүҙән туҡтаған. Әлеге ваҡытта тикшереү эше бара.
Ер эштәре ваҡытында Ленин урамында сабыйҙың кәүҙәһе табыла. Бала ҡатын-ҡыҙҙар күлдәгенә һәм таҫтамалға уратылып, полиэтилен ҡапсыҡҡа һалынған. Яҡынса мәғлүмәттәр буйынса, яңы тыуған ир бала бер ай элек үлгән.
Хәҙер ваҡиға урынында оператив төркөм эшләй. Баланың үлем сәбәптәре асыҡлана.
