Башҡортостанда эҫе көндәр башланасаҡ. Синоптиктар мәғлүмәттәре буйынса, шаршамбы, 23 май, термометр бағанаһы 28 градусҡаса күтәреләсәк. Бер аҙ болотло һауа торошо көтөлә.
Башгидрометүҙәк хәбәр итеүенсә, иртәгә һауа торошо яуым-төшөмһөҙ буласаҡ. Төндә- ун ике градус, республиканың көнсығыш райондарында алты градус йылы булыуы көтөлә. Тупраҡҡа еңелсә ҡырау төшөүө ихтимал. Көндөҙ республика халҡын 28 градуслыҡ эҫе һауа торошо көтә.
