Башҡортостанда мөмкинлеге сикләнгән кешеләр өсөн 275 эш урыны булдырыласаҡ

Был турала Республика Хөкүмәте ҡарамағындағы инвалидтар эштәре буйынса координация советы ултырышында белдерелде.

Кәңәшмәлә һаулыҡ һаҡлау объекттарында һәм транспортта уңайлы мөхит тыуҙырыу, инвалид балаларға белем биреү, эшкә урынлаштырыуҙа ярҙам итеү мәсьәләләре тикшерелде. Әле республикала 18 йәште уҙған 260 меңдән ашыу мөмкинлеге сикләнгән кеше иҫәпләнә. Был төбәк халҡының 6,4 процент самаһы.

Былтыр Башҡортостан бюджеты иҫәбенә эш урындарын булдырыу буйынса саралар тергеҙелгән. Эш быйыл да дауам итә. Бының өсөн 21 миллион һумдан ашыу аҡса бүлеү ҡаралған.

Хәҙер квотаны эш биреүселәр үҙҙәре билдәләй. Өс меңдән ашыу предприятиела 7900 тиклем мөмкинлектәре сикләнгән кешеләр өсөн квота бар.

Фәнүр Шәйхисламов, Башҡортостандың ғаилә, хеҙмәт һәм халыҡты социаль яҡлау министры урынбаҫары

Автор: Илдар Байбулатов.