Сәнәғәтте автоматлаштырыу лабораторияһы шәхси инвестициялар ярҙамында булдырылған. Ул Рәсәйҙә һәм сит илдә етештерелгән ҡорамалдар менән йыһазландырылған. Был үҙенсәлекле проект йыл ярым эсендә тормошҡа ашырылған.
Студенттар бәләкәй стендтарҙа энергетика, электр тәьминәте өлкәһендә тәжрибә туплай, энергетик системалар эшен өйрәнә ала.
Сәнәғәттең барлыҡ тармаҡтарын автоматлаштырыу индустриаль хәүефте һәм энергетик сығымдарҙы кәметергә мөмкинлек бирә. Йыл дауамында был лабораторияла өс факультеттан 200 ашыу студент шөғөлләнәсәк. Шулай уҡ фәнни-тикшеренеү, тәжрибә конструктор эштәре, эксперттар ҡатнашлығында профилле күнекмәләр үтәсәк. Лаборатория сәнәғәт инженерҙары өсөн квалификацияны күтәреү үҙәге лә булып хеҙмәт итер тип күҙаллана.
