"Бер тән, бер йән итеп яратҡан" тип исемләнгән концерт программаһында уның ижадташ дуҫтары, яҡындары һәм ижадына ғашиҡ тамашасылар ҡатнашты. Милли театр сәнғәтенә дүрт тиҫтә йылға яҡын ғүмерен арнаған замандашыбыҙ хаҡында беҙҙең сайтта уҡығыҙ.
Өфө "Нур" татар дәүләт театрында 10 йыл самаһы эшләгән Лениза Ғәйнетдинова тамашасы һөйөүен яулаған сәхнә оҫтаһы. Ул уйнаған спектаклдәргә ваҡытында халыҡ ағылып тигәндәй йөрөй. Ә бөгөн ул тормош иптәше Символ Ғәйнетдинов менән бергә үҙ театр-студияһын ойоштороп театр сәнғәте серҙәрен балаларға өйрәтә.
Юбилейға арналған тамаша ике бүлектән торҙо. Тәүгеһендә Лениза ханым яратып башҡарған йырҙарынан, спектаклдәренән өҙөк тәҡдим итһә, артабан ҡотлау һүҙҙәре яңғыраны. Ғәйнетдиновтарҙың ҡыҙҙары ла шулай уҡ сәнғәт кешеһе, ул тәбрикләү һүҙҙәрен йыр аша әйтеп бирҙе.
ӘҘИЛӘ ГӘРӘЕВА
ЛЕНИЗА ҒӘЙНЕТДИНОВАНЫҢ ҠЫҘЫ
Лениза Ғәйнетдинова көн дә ижади эҙләнеүҙәр өҫтөндә. Ниндәй генә эшкә тотонмаһын, һәр саҡ еренә еткереп башҡара. Тормош иптәше менән бергә етәкселек иткән "Символ" театр-студияһы шуларҙың береһе. Бер-нисә йыл эшләп килеүгә ҡарамаҫтан уңыштары етерлек.
