Өфөлә дүрт йылдан яңы стадион төҙөлөүө ихтимал

Башҡортостанда яңы стадион төҙөлөшөнә аҡса бар. Был хаҡта «Совет спорты» студияһында Башҡортостан Башлығы Рөстәм Хәмитов хәбәр итте.

"Бөгөн «Нефтсе» стадионы беҙҙе ҡәнәғәтләндермәй. Яңы стадион тураһында уйларға кәрәк".

"Ул 40, 30, 20 мең кешелек тә түгел, ә 15-17 мең кешене һыйҙырған стадион буласаҡ. Беҙгә елдән, ҡарҙан, һыуыҡтан һаҡланырға кәрәк. Билдәле булыуынса, скандинавия илдәрендә 3-4 млрд. һумлыҡ миҫалдар бар, ә был күләмдәге аҡса республикала бар. Был эште беҙ 3-4 йыл эсендә күтәреп сығырбыҙ", - тип белдерә Төбәк Башлығы.

Фото: Интернет.