Кумертауҙа пауэрлифтинг буйынса Башҡортостан беренселеге һәм чемпионаты уҙҙы. Иң көслөләр исеменә республиканың 19 ҡала-райондарынан ике йөҙгә яҡын спортсы ҡатнашты. Командалар араһында иң яҡшылары тип ҡатын-ҡыҙҙар араһынан Авиация университеты, ә ир-егеттәр араһынан-Дим районы атлеттары табылды.
Абсолют чемпион исеменә Өфөнән Тимур Латыпов лайыҡ булды. Юниорҙар араһынан-Булат Зарипов. Ә ҡатын-ҡыҙҙар араһынан – Мария Егошина.Хәҙер еңеүселәр һәм призлы урын алғандар Ижевскиҙа июль башында үтәсәк Волга буйы федераль округы беренслегенә әҙерләнә башлаясаҡтар.
