Өфөлә йәшәүсенең ялыуы буйынса коллекторҙарға ике йөҙ мең һум күләмдә штраф һалына

Өфө суд приставтары башҡалала йәшәүсенең ялыуы буйынса тикшереү башҡара. Мөрәжәғәт итеүсе һүҙҙәренсә, уғамикрозайм буйынса йыйылған дүрт мең һум күләмендәге бурысты түләүҙәрен һорап, коллекторҙар шылтырата. Приставтар асыҡланыуынса, «Инкас Коллект» компанияһы законһыҙ рәүештә, лицензияһыҙ, эшләй.

Приставтар протокол тултырып, фирма теркәлгән Чебоксар ҡалаһында ебәрәләр. Суд ойошмаға ике йөҙ мең һум күләмендә штраф һала.

Иҫегеҙгә төшөрәбеҙ, уҙған йылдың беренсе ғинуарынан дәүләт реестрында теркәү үткән коллектор ойошмалары ғына бурыстарҙы йыйыу менән шөғөлләнә ала. Коллекторҙар менән килеп тыуған проблемалар менән 272-67-81 телефон һандарына шылтыратырға мөмкин. .