Ил һаҡсыһына арналған һәйкәл асыу сараһы кисәге сик һаҡсылары, хәрби көстәр ветерандары, киң йәмәғәтселек ҡатнашлығында үтте. Билдәле скульптор Хәлит Ғәлиуллин сик һаҡсыларына арналған монументты хәрбиҙәрҙең теләген иҫәпкә алып ижад иткән.
Һәйкәл дүрт ай эсендә тормошҡа ашырылған, оҙонлоғо 4 метр, ауырлығы 250 килограмм. Ул илебеҙ именлеген һаҡлаусы хәрбиҙәрҙе берләштереүсе урын да буласаҡ.
Сик һаҡсыһының һәйкәле йыйылма образдан кәүҙәләндерелгән. Ниндәй генә һуғыштарҙы алма, иң беренсе ауырлыҡты сик һаҡсылары күтәрә. Илебеҙ сиктәре бөгөн 18 дәүләт менән сикләшә. Бөгөнгө сара илебеҙҙҙең именлеге һәм сиктәре ышаныслы ҡулдарҙа булыуына ишара.
Сынтимер Баязитов, Өфө ҡала хакимиәте башлығы урынбаҫары) Еңеү паркында бындай һәйкәлдең булыуы бик мөһим. Ул киләсәк быуынға бер маяҡ булып торор тип уйлайым.
