Коллектив ике бүлектән торған тамаша менән сығыш яһай. Беренсе бүлектә Фәйзи Ғәскәровтың алтын мираҫы һаналған башҡорт бейеүҙәре, икенсеһендә Рәсәй халыҡтары бейеүҙәре тәҡдим ителә. Башҡорт коллективы сығышын Рио-де-Жанейро ҡалаһындағы Рәсәйҙең генераль консулы Владимир Токмаков та ҡараған.
Халыҡ бейеүҙәре ансамбле дәүләт эшмәкәренә ҡурай ҙа бүләк иткән. 10 майҙан алып барған данлыҡлы ансамблдең Бразилиялағы гастролдәре 31 майға тиклем дауам итә. Беҙҙең бейеүселәр Рибейран - Прету, Сантос, Кампинас, Витория, Рио- де-Жанейро һәм Аргентина менән сик янында урынлашҡан Порту-Алегри һәм башҡа ҡалаларҙа сығыш яһай.
Сит ҡитға тамашасыһы башҡорт бейеүҙәрен бик йылы ҡабул итә, улар һәр бейеүҙе аяғүрә алҡышлай.
