Өфөлә күп балалы ата кешенең балаларына ҡарата 11 миллион һум күләмендә бурысы йыйылған

Өфөлә алимент буйынса йыйылған иң күләмле бурысты атанылар. Рекордсмен-алиментсы хаҡында Башҡортостандың баш суд приставы Илнур Мәхмүтов матбуғат-конференцияһында белдерҙе. Был хаҡта "Башинформ" агентлығы хәбәр итә.

Күп балалы атай кешенең балаларына ҡарата 11 миллион һум күләмендә бурысы йыйылған. Суд приставтары иргә ҡарата бар сараларҙы күрә: уға сит илгә сығырға, мөлкәтен һатырға тыйыла. Шулай уҡ бурыслының ҡиммәтле ҡағыҙҙарына бик һалына.

Әлеге ваҡытҡа ир бурысының бер өлөшөн түләгән.

Фото: Интернет