Октябрь районының М. Ғафури ис. паркында спорт фестивале уҙасаҡ. Уны скандинавия хәрәкәте буйынса Рус милли ассоциацияһы ойоштора.
Өфө ҡала хакимиәте хәбәр итеүенсә, фестиваль 3 июндә үтә. Ул сәләмәт тормош алып барыуға арнала. Сараның алып барыусыһы- Лариса Вербицкая. Фестиваль сиктәрендә мастер-кластар, лекциялар, шулай уҡ дүрт йәш төркөмөндә ярыш уҙасаҡ. Килгән ҡунаҡтар өсөн викторина ойоштороласаҡ.
Бынан тыш, фотозона буласаҡ, ҡытай гимнастикаһы дәрестәрен уҙғарыу күҙаллана. Сара һуңында еңеүселәрҙе бүләкләү тантанаһы үтә. Ҡатнашыу бушлай. Уҙғарыу ваҡыты сәғәт ун берҙән сәғәт бишкә тиклем.
