Хажға барғанда таможня ҡағиҙәләренә иғтибар итеү мотлаҡ

2018 йылдың мартынан сик аша йөк сығарыу тәртибенә үҙгәрештәр индерелде. Изге сәфәргә сығыусылар бигерәк тә составында көслө психотроп матдәләр булған дарыуҙар, дини әҙәбиәт һәм ҡулаҡса күләменә иғтибар итергә тейеш, ти белгестәр. Китаптарҙы илдән сығарғанда йәки индергәндә, юстиция министрлығы тарафынан раҫланған исемлеккә күҙ һалыу мөһим.

Быйыл хаж ғәмәле августың икенсе яртыһына тура килә. Йыл һайын Сәғүд Ғәрәбстаны Рәсәй мосолмандары өсөн 20 мең самаһы урын бүлә.

Тыйылған дини әҙәбиәттең тулы исемлеге менән юстиция министрлығының рәсми сайтында танышырға мөмкин. Был китаптар экстремистик тип табылған һәм уларҙы Рәсәйгә индереү, уҡыу һәм таратыу тыйыла.

Роберт Сафин, Халыҡ-ара "Өфө" аэропорты таможня посы етәксеһе вазифаһын башҡарыусы

Фото: интернет.

Автор: Рафиҡ Әхмәтшин.