Ғәҙәттәгесә, байрам программаһы Стәрлетамаҡ ярыммарафонынан башланды. Быйылғы ярышта репсубликанан һәм күрше төбәктәрҙән ике меңдән ашыу кеше ҡатнашты. Байрамды шулай уҡ ҡала майҙандарында эшләгән сағыу күргәҙмәләр ҙә биҙәне.
Ошонда уҡ ҡул эштәренә өйрәнергә теләүселәргә оҫталыҡ дәрестәре үткәрелде. Балалар өсөн ғилми шоу ойошторолдо. Кисен байрам сәхнәһендә Рәсәй һәм Башҡортостан эстрадаһы йондоҙҙары сығыш яһаны. Байрамда ҡатнашыусы юғары ҡунаҡтар ҡаланың үҫеш мөмкинлектәрен юғары баһаланы.
