Заманса уңайлыҡтар - почтала

Өфөнөң Рәсәй урамында яңы форматта асылған почта элемтәһе клиенттарына яңы мөмкинлектәр тәҡдим итә. Электрон технологиялар сират мәсьәләһенән арындыра, сөнки талондар системаһы эште күпкә ябайлаштыра.

Конверт, открытка кеүек почта тауарҙары менән һатыу иткән киоск та бында айырым урынлашҡан. Посылкаларҙы асып-төрөү өсөн тәғәйенләнгән айырым өҫтәл ҡуйылған. Әйткәндәй, почтала "Изгелек ағасы" тигән акция бара. Ул аҙ тәьмин ителгән ғаиләләргә, балалар, ҡарттар йорттарына гәзит-журналдар яҙҙырыуҙы күҙ уңында тота.

Клиенттарға төрлө яҡлап мәғлүмәт биргән почта бүлексәһе мөмкинлектәре сикләнгән граждандар өсөн дә ҡулайлы итеп яраҡлаштырылған.

Автор: Әлиә Әбдрәшитова.