Ҡыҙҙың тыумыштан күреү һәләте насар. Баланың күҙенә өс тапҡыр операция яһалған. Аиша Дүсәева Өфөнөң Дим биҫтәһендә урынлашҡан "Яратҡан сабый" реабилитация үҙәгендә дауалана.
Сабый һүрәттәге сағыу предметтарҙы ҙур тап рәүешендә генә күрә. Күпселек осраҡта ул уйынсыҡтарҙы ҡулы ярҙамында ғына тойомлай. Йәш тә һигеҙ айлыҡ Аишаны аяҡҡа баҫтырыу өсөн ата-әсәһе һәм табиптар ҙур көс һала. "Яратҡан сабый" реабилитация үҙәгенә беренсе тапҡыр һигеҙ айлыҡ сағынан килтерәләр.
Аиша Дусәеваға тыумыштан үҙәк нерв системаһының зарарланыуы һәм күҙ селтәр ҡабығы ҡубарылыуы тигән диагноз ҡуйылған. Тыуғас та операция яһайҙар. Күреү һәләте бөтөнләй юҡҡа сыҡмаһын өсөн күҙ яҫмығын алалар. Һуңынан тағы ла ике ҡатмарлы операция үткәрә. Оҙайлы реабилитация курстары үткәргән, дауалаған һәм даими күҙәткән табитар бәләкәстең һаулығында бер ни тиклем ыңғай үҙгәрештәр бар,тип,билдәләй.
Реабилитация үҙәгендә физик үҫешендә артта ҡалған сабыйҙар менән дефектологтар, психологтар һәм һылаусылар шөғөлләнә. Улар менән даими эшләү үҙ һөҙөмтәләрен бирә. Бында дауаланған балалар мәктәпкә лә әҙерлекле бара аласаҡ.
Реабилитация үҙәге хәйриә фонды ярҙамы менән эшләй. Ул мөмкинлектәре сикләнгән балалары булған ата-әсәләр өсөн өмөт үҙәге лә булып тора. Әлегә Аишаға тормошҡа яраҡлашыу ауыр булһа ла, табиптар уны һауыҡтырыу өсөн ҡулынан килгәнсә ярҙам ҡулы һуҙасаҡ. Яһалма күҙ яҫмығы ҡуйыу һигеҙ йәшендә генә башҡарыласаҡ. Табиптар уға күҙлек һәм линзалар кейергә тәҡдим итә. Әммә сабый уларҙы даими йөрөтә алмай. Ғаилә ваҡытлыса матди ауырлыҡтарға дусар булған. Дусәевтар мәрхәмәтле, изге күңелле кешеләрҙән ярҙамына мохтаж.
Өфөнән тыумыштан үҙәк нерв системаһы һәм күреү һәләте насар булған Аиша Дүсәеваға даими реабилитация үтеүгә мохтаж. Уға ярҙам итеү өсөн 7715 һандарына "РАСТИ -100" һүҙҙәрен ебәрергә кәрәк. Мәрхәмәтле булайыҡ.
