Социаль селтәрҙәрҙә хәбәр ителеүенсә, ҡар яуыуы Дүртөйлө, Салауат, Ишембай, Нефтекама, Стәрлетамаҡ, Октябрьский ҡалаларында күҙәтелгән. Синоптиктар фаразы буйынса, бөгөндән 3 июнгә тиклем Башҡортостанда тотороҡһоҙ һауа шарттары көтөлә.
Бөгөн һәм иртәгә республикала урыны менән ҡар ҡатыш ямғыр яуыуы, көслө ел иҫеүе, төндә 2 градус һалҡындан 3 градусҡаса йылы булыуы, ҡырау төшкәндә 2-7 градусҡа тиклем һыуытыуы күҙаллана. Көндөҙ 8-13 градус йылы буласаҡ.
Көндәрҙең йылыныуы алдағы аҙна башында ғына көтөлә. 5 июндә термометрҙар 22-27 градусҡа тиклем күтәреләсәк.
