"Башҡортостан" дәүләт концерт залында билдәле "Йатаған" этно-төркөмө дини йүнәлештәге программа менән сығыш яһаны. Программала башҡорт халыҡ йырҙарынан тыш төрөк, ғәрәп халыҡтары йырҙары һәм көйҙәре лә яңғыраны.
Үҙенсәлекле тамашаға ижади төркөм бер йыл буйына әҙерләнгән.
Премьераға халыҡ күп йыйылды. Тамашасылар араһында башлыса дин тотҡан мосолмандарҙың күп булыуы осраҡлы түгел. "Рамаҙан нуры" концертының тағы бер үҙенсәлеге - уның алып барыусыһы булманы, номерҙар араһында дини тәғлимәттәргә урын бирелде.
