Ауыл ерендә йәшәүселәрҙә ҙур ихтыяж менән файҙаланған "Йорт комплекты" программаһы 2025 йылға тиклем ғәмәлдә буласаҡ. Был турала бөгөн Башҡортостан Хөкүмәте Президиумы ултырышында белдерелде. Шулай уҡ кәңәшмәлә "Иң яҡшы күп фатирлы йорт" төбәк конкурсының приз фондын ике тапҡырға арттырырға килешелде.
Дүртөйлө районында йәшәүсе Вәлитовтар "Йорт комплекты" проектында ҡатнашыусы бәхетле ғаиләләрҙең береһе. Программа ярҙамында улар ҡыҫҡа ғына ваҡыт эсендә ағастан йорт һалып сыҡҡан. Бының өсөн уларға торлаҡҡа мохтажлыҡҡа сиратҡа баҫыу һәм ер юллап алыу ҙа еткән. Ә инде дәүләт төҙөлөш өсөн ташламалы кредитты хәстәрләгән. Әйтергә кәрәк, 2011 йылдан алып ғәмәлгә ашырылған был проект ярҙамында республикала йәшәүсе бик күп ғаиләләр өй туйлаған.
Бөгөн Республика Хөкүмәте Президиумы ултырышында дәүләт программаһын тағы ла 8 йылға оҙонайтырға килешелде. Сығыш яһаусылар билдәләүенсә, проектың шарттары шул килеш һаҡлана. Йәғни, ауыл ерендә йәшәгән һәм торлаҡ шарттарыу яҡшыртыуға мохтаж ғаиләләр биш процентлы кредитҡа дәғүә итә ала. Ә инде бүленсәк суммаға ағас төҙөлөш материалдары һатып алырға мөмкин.
"Француз ихатаһы" тип аталған был торлаҡ комплексы Өфө районы Михайловка ауылында урынлашҡан. Берҙәм архитектура ансамбленән торған кварталда күп ҡатлы тиҫтәнән ашыу йорт иҫәпләнә. Видеокүҙәтеү ҡоролмалары, йәйәүлеләр зонаһы, уйын һәм спорт майҙансыҡтарын үҙ эсенә алған ихата шулай уҡ йәшеллеккә күмелеүе менән иғтибарҙы йәлеп итә. Бер үк ваҡытта торлаҡ милексәләре ширҡәте подъездарҙы ла онотмай.
Торлаҡ милексәләре ширҡәтеның тырышлығы республика кимәлендә лә танылды. Улар йыл һайын ойошторолоп килгән "Иң яҡшы күп фатирлы йорт" республика конкурсында еңеү яуланы. Уҙған йыл һөҙөмтәләре буйынса барлығы 100 өйгә уңыш йылмайған. Әйкәндәй быйыл конкурстың бюджеты ике тапҡырға артып, хәҙер ул ун миллион һәм тәшкил итә. Еңеүселәр иртәгә тәбрикләнәсәк.
