Мәғлүм булыуынса, бөгөн Рәсәй Президенты Владимир Путин тура бәйләнештә халыҡтың һорауҙарына яуап бирә. Президентҡа яғыулыҡҡа хаҡ артыу мәсьәләһе менән водителдәрҙең береһе мөрәжәғәт итә.
Төбәк Башлығы билдәләүенсә, Рәсәй Хөкүмәте төрлө һалым сараларын яңынан ҡарай. Һуңғы осорҙа ил баҙарында нефткә хаҡ артты, шуға күрә беҙҙең компанияларға хаҡ күтәрергә тура килә.
Әле Рәсәйҙә беренсе июлдән акциздарҙың күтәрелеүен кире ҡағыу буйынса ҡарар ҡабул ителде. Көҙгә табан,баҙар торошон көйләү маҡсатында өҫтәлмә саралар күреләсәк.
