Совет районында сүп ташыусы машинаһы водителенә бүләккә фатир асҡысы тапшырылды

Бөгөн Совет районы хакимиәте торлаҡ-коммуналь хужалығында, ҡаланы төҙөкләндереү өлкәһендә эшләүселәргә рәхмәт хаттары, маҡтау грамоталары тапшырҙы.

Улар араһында юл һалыусылар, водителдәр, хисапсылар, йөк тейәүселәр бар. Ә Нәбиевтар ғаиләһенә ҡала үҙәгенән ике бүлмәле фатир асҡысы бүләк ителде. Вилмир Нәбиев 8 йыл дауамында водитель булып эшләй. Өс бала тәрбиәләүсе ғаилә Ҡариҙел районынан күсеп килгән һәм ҡуртымға алынған фатирҙа йәшәгән.

Сүп ташыусы машина водителе булып эшләйем, эшем оҡшай. Фатир асҡысы алырмын тип уйламағайным да. Өс бала үҫтерәбеҙ, фатир алырға үҙебеҙҙең мөмкинлегебеҙ юҡ.

Вилмир һәм Венера Нәбиевтар, торлаҡ-коммуналь хужалығы хеҙмәткәре

Автор: Рәмилә Исмәғилева.